Ditën e sotme është zhvilluar seanca gjyqësore në Apelin e Tiranës për ankimimin e grupit të Lulzim Bashës kundër vendimit të Gjykatës Civile të Tiranës e cila nuk pranoi të njihte si një çështje e vetme ndryshimet statutore të Kuvendit të 17 Korrikut dhe 18 Dhjetorit pasi sipas Shkallës së Parë, dy kuvendet duhet të regjistroheshin si dy çështje të ndryshme dhe jo si një e vetme pasi janë mbajtur në kohë të ndryshme.

Gjykata Civile Tiranë ka njohur Kuvendin e datës 11 Dhjetor të thirrur nga grupi i Rithemelimit, tashmë PD sipas dhe referendumit e kryeson Berisha.

Përfaqësuesi i grupit të Bashës, avokat Rezart Kthupi ka kërkuar që t’i jepet një kohë prej 2 ose 3 ditësh për t’u njohur me aktet.

Gjykata e Apelit Tiranë, me vendim të ndërmjetëm, vendosi të pranojë kërkesën dhe të shtyjë seancën për në datë 22.12.2022, ora 09:00./tvklan.al/